ບັນຊີເງິນຝາກປະຈໍາ ເປັນບັນຊີສະສົມເງິນຕາມກໍານົດເວລາ ແຕ່ບໍ່ສາມາດນໍາໃຊ້ໂອນເງິນ ຫຼື ຮັບເງິນໂອນຈາກບັນຊີອື່ນໄດ້

1. ທະນາຄານແຫ່ງປະເທດຈີນ (ຮົງກົງ) ຈໍາກັດ ສາຂານະຄອນຫຼວງວຽງຈັນ ໄດ້ສະຫນອງບໍລິການບັນຊີເງິນຝາກປະຈຳ 4 ສະກຸນເງິນໄດ້ແກ່ : ກີບ, ຢວນ, ໂດລາ ແລະ ບາດ.
2. ບັນຊີເງິນຝາກປະຈໍາ ມີໄລຍະເວລາການຝາກໃຫ້ເລືອກ 6 ແບບເຊັ່ນ : 3 ເດືອນ, 6 ເດືອນ, 12 ເດືອນ, 18 ເດືອນ, 24 ເດືອນ ແລະ 36 ເດືອນ.
3. ເມື່ອບັນຊີຄົບໄລຍະເວລາທີ່ກຳນົດ ລູກຄ້າສາມາດເລືອກທີ່ຈະຝາກຕໍ່ໄດ້ໂດຍອັດຕະໂນມັດ, ລູກຄ້າຍັງສາມາດຖອນໄດ້ຄົບຈຳນວນເງິນ.
4. ເມື່ອປຽບທຽບກັບບັນຊີເງິນຝາກປະຢັດແລ້ວ ແມ່ນໄດ້ຮັບອັດຕາດອກເບ້ຍທີ່ສູງກ່ວາ.
5. ບໍ່ທີຄ່າທຳນຽມໃນການຈັດການດ້ານບັນຊີ.
6. ອັດຕາດອກເບ້ຍແມ່ນອິງຕາມຕາຕະລາງອັດຕາດອກເບ້ຍເງິນຝາກສ່ວນບຸກຄົນສະບັບລ້າສຸດທີ່ອອກໂດຍທະນາຄານ.

ຕອບສະຫນອງຕາມເງື່ອນໄຂການເປີດບັນຊີຝາກປະຈໍາຂອງລູກຄ້າບຸກຄົນ.

ລູກຄ້ານໍາເອກະສານຢັ້ງຢືນຕົວຕົນເຂົ້າມາເປີດບັນຊີດ້ວຍຕົນເອງທີ່ທະນາຄານ.

ລູກຄ້າສັນຊາດລາວ : ບັດປະຈໍາໂຕ ຫຼື ຫນັງສືເດິນທາງ ສະບັບແທ້;

ລູກຄ້າຕ່າງປະເທດ : ຫນັງສືເດິນທາງ, ໃບອະນຸຍາດພັກເຊົາ ຫຼື ໃບອະນຸຍາດເຮັດວຽກ ສະບັບແທ້.

ບັນຊີເງິນຝາກປະຈໍາສາມາດຖອນໄດ້ກ່ອນຈະຄົບກໍານົດ, ສ່ວນທີ່ຖອນກ່ອນ ທະນາຄານຈະຄິດໄລ່ອັດຕາດອກເບ້ຍຕາມ ບັນຊີເງິນຝາກປະຢັດ.