ເງິນປ່ອຍກູ້ຮ່ວມ ຄື ການປ່ອຍກູ້ທີ່ມີເຈົ້າໜີ້ຕັ້ງແຕ່ 2 ລາຍຂຶ້ນໄປ, ໃນສັນຍາເງິນກູ້, ໂດຍເຈົ້າໜີ້ຕົກລົງເງື່ອນໄຂຕາມທີ່ເຫັນດີພ້ອມກັນໃນການໃຫ້ສີນເຊື່ອແກ່ບໍລິສັດໜຶ່ງ ຫຼື ຫຼາຍບໍລິສັດ, ເປົ້າໝາຍສໍາຄັນແມ່ນອົງກອນໃຫຍ່ ກັບສິ່ງກໍ່ສ້າງຂະໜາດໃຫຍ່, ວິທີການລະດົມເງິນປ່ອຍກູ້ຮ່ວມ, ຜູ້ກູ້ຢືມສາມາດໃຊ້ເງື່ອນໄຂການກູ້ແບບດຽວກັນໃນການລະດົມເງິນທຶນຈໍານວນຫຼາຍ, ໄລຍະເວລາຍາວ ແລະ ຍັງສາມາດໃຊ້ໜ່ວຍງານລະດົມເງິນປ່ອຍກູ້ຮ່ວມເພື່ອຂະຫາຍການຕະຫຼາດ ແລະ ເພີ່ມພາບລັກທາງການຕະຫຼາດ.

1. ຈໍານວນເງິນປ່ອຍກູ້ຫຼາຍ, ກໍານົດໄລຍະເວລາດົນ, ສາມາດຕອບສະໜອງຄວາມຕ້ອງການຂອງຜູ້ທີ່ຕ້ອງການເງິນທຶນຈໍານວນຫຼາຍໃນໄລຍະເວລາດົນ.
2. ໃຊ້ເວລາໃນການລະດົມທຶນໜ້ອຍ, ໂດຍຫຼັງຈາກທີ່ຜູ້ກູ້ກັບທະນາຄານວາງແຜນຕົກລົງເງື່ອນໄຂການກູ້ຢືມກັນແລ້ວ, ໂດຍທະນາຄານທໍາການວາງແຜນຮັບຜິດຊອບກັບທີມກູ່ມເງິນທຶນ, ໂດຍຂັ້ນຕອນດຳເນີນການກູ້ເງິນ, ຜູ້ກູ້ຢືມບໍ່ຈໍາເປັນຕ້ອງພົບປະກັບສະມາຊິກກຸ່ມເງິນທຸນກັບກັບການຈັດການທຸລະກໍາເງິນກູ້, ເຊັ່ນ: ການຝາກເງິນ, ການຄືນເງິນ, ການຈ່າຍດອກເບ້ຍເປັນຕົ້ນ, ໂດຍໃຫ້ທະນາຄານຕົວແທນຈັດການ.
3. ຮູບແບບການຂໍກູ້ຮ່ວມມີຫຼາຍປະເພດ, ໃນກຸ່ມເງິນທຶນດຽວກັນສາມາດສະເໜີຮູບແບບຫຼາກຫຼາຍຕາມທີ່ຜູ້ກູ້ຢືມຕ້ອງການ, ເຊັ່ນການກູ້ແບບມີສັນຍາຕາມໄລຍະເວລາເງິນກູ້ທຶນໝູນວຽນ, ເຄດິດສໍາຮອງເປັນຕົ້ນ, ພ້ອມນັ້ນຍັງອີງຕາມສະກຸນເງິນທີ່ຜູ້ກູ້ຢືມຕ້ອງການ, ບໍ່ວ່າຈະເປັນເງິນໂດລາສະຫະລັດ, ເງິນໂດລາຮົງກົງ, ຢວນ ຫຼື ຮ່ວມກຸ່ມຂອງສະກຸນເງິນ.
4. ມີພາບລັກທີ່ດີຕໍ່ຜູ້ກູ້ຢືມໃນດ້ານການຕະຫຼາດ, ຄວາມສໍາເລັດໃນການຂໍກູ້ຮ່ວມ, ໂດຍພື້ນຖານແລ້ວເກີດຈາກກຸ່ມທຶນທີ່ໃຫ້ກູ້ຍອມຮັບໃນເງິນທຶນ ແລະ ການບໍລິການກິດຈະການຂອງຜູ້ກູ້ສາມາດໃຊ້ໂອກາດນີ້ຂະຫຍາຍຊື່ສຽງໄດ້.
5. ໄດ້ຮັບການສະໜັບສະໜຸນດ້ວຍດີຈາກສ່ວນເງິນກູ້ຮ່ວມຮົງກົງຂອງທະນາຄານແຫ່ງປະເທດຈີນ.

ການຂໍກູ້ຮ່ວມໃຊ້ເງິນໂດລາສະຫະລັດເປັນຫຼັກ, ແຕ່ກໍ່ສາມາດໃຊ້ເງິນໂດລາຮົງກົງ ຫຼື ສະກຸນອື່ນຕາມຄວາມຕ້ອງການຂອງຜູ້ຂໍກູ້, ໃນການການຂໍກູ້ຮ່ວມສາມາດໃຊ້ເງິນຫຼາກຫຼາຍສະກຸນເງິນໄດ້.

ລາຄາການຂໍກູ້ຮ່ວມແມ່ນຄິດໄລ່ຈາກດອກເບ້ຍບວກກັບຄ່າບໍລິການສອງຢ່າງຮວມກັນ.

ອັດຕາດອກເບ້ຍ ອີງຕາມສະພາບສະເພາະຕົວຂອງແຕ່ລະຜູ້ກູ້, ດຳເນີນການຕາມສັນຍາກູ້ຢືມຂອງກູ່ມເງິນທຶນທີ່ຕົກລົງກັນ.

1. ຜູ້ກູ້ຢືມມີຄວາມຕ້ອງການກູ້ເງິນຈໍານວນຫຼາຍ ແລະ ໄລຍະເວລາຍາວນານ.
2. ຜູ້ກູ້ມີຊື່ສຽງຂ້ອນຂ້າງດີໃນວົງການທຸລະກິດ, ດ້ານການບໍລິຫານກິດຈະການ, ເງິນທຶນ, ເທັກໂນໂລຊີ, ໄດ້ຮັບການຍອມຮັບຈາກຫຼາຍທະນາຄານ.

1. ຜູ້ຂໍກູ້ຮ່ວມຄວນເຮັດທຸລະກິດທີ່ໄດ້ຍື່ນຂໍດຳເນີນກິດຈະການຖືກຕ້ອງຕາມກົດໝາຍ ຫຼື ອົງກອນທາງດ້ານເສດຖະກິດອື່ນໆເປັນຕົ້ນ.
2. ຜູ້ຂໍກູ້ຈະຕ້ອງໄດ້ຮັບການປະເມີນລະດັບຄວາມໜ້າເຊື່ອຖືຈາກທະນາຄານແຫ່ງປະເທດຈີນ ຫຼື ສະຖາບັນປະເມີນຄວາມໜ້າເຊື່ອຖືອື່ນໆທີ່ໄດ້ຮັບການຍອມຮັບ ຢູ່ໃນລະດັບໜຶ່ງຕາມເງື່ອນໄຂ.
3. ຜູ້ຂໍກູ້ເປັນທຸລະກິດຂະໜາດກາງຫາຂະໜາດໃຫຍ່ທີ່ມີສະພາບການເງິນ ແລະ ການບໍລິການຢູ່ໃນເກນທີ່ດີ ຫຼື ເປັນບໍລິສັດກິດຈະການສະເພາະ ທີ່ອະນາຄົດຂອງທຸລະກິດດ້ານນັ້ນຢູ່ໃນຊ່ວງຂາຂຶ້ນ ແລະ ມີຄວາມໄດ້ປ່ຽບຕໍ່ຄູ່ແຂ່ງທາງທຸລະກິດ.
4. ແຫຼ່ງເງິນທຶນອື່ນໆທີ່ເຂົ້າຮ່ວມ, ໂດຍທະນາຄານຈະວາງແຜນເປັນຜູ້ຈັດການ, ທະນາຄານທີ່ມີຄວາມໜ້າເຊື່ອຖື ແລະ ມີການບໍລິຫານງານທີ່ມີຄຸນນະພາບ.

1. ຂໍ້ມູນກ່ຽວກັບຜູ້ຂໍກູ້ຢືມ, ຫຸ້ນສ່ວນ ແລະ ຜູ້ຄໍ້າປະກັນ.
2. ໃບດຳເນີນກິດຈະການ, ກົດລະບຽບພາຍໃນຂອງບໍລິສັດເປັນຕົ້ນ.
3. ລາຍງານສະພາບການເງິນໃນໄລຍະເວລາ 3 ປີ ທີ່ຜ່ານມາຂອງຜູ້ຂໍກູ້ຢືມ ແລະ ລາຍງານສະພາບການເງິນໃນຊ່ວງໄລຍະເວລາປະຈຸບັນ.
4. ສໍາລັບລາຍລະອຽດຂອງໂຄງການແມ່ນຈະຕ້ອງສະໜອງສັນຍາຊື້ວັດສະດຸອຸປະກອນ, ສັນຍາກໍ່ສ້າງ, ສັນຍາຂາຍ ເປັນຕົ້ນ.
5. ເອກະສານ ຫຼື ຂໍ້ມູນອື່ນໆທີ່ທະນາຄານຕ້ອງການ.

1. ຮັບຄໍາຮ້ອງຂໍກູ້ຢືມ/ໜັງສືລະດົມສີນເຊື່ອ.
2. ເຈລະຈາກັບລຸກຄ້າ, ຂຽນຮ່າງເງື່ອນໄຂການຂໍກູ້ຢືມ, ໂຄງສ້າງການລະດົມສີນເຊື່ອ.
3. ທະນາຄານແຫ່ງປະເທດຈີນໄດ້ຮັບຄໍາຮ້ອງໃຫ້ເປັນທະນາຄານນໍາພາ/ທະນາຄານຄໍ້າປະກັນຫຼັກຢ່າງເປັນທາງການ.
4. ທະນາຄານແຫ່ງປະເທດຈີນ ຍອມຮັບຈໍານວນເງິນທີ່ຈະໃຫ້ກູ້.
5. ຕາຕະລາງເວລາກຸ່ມເງິນທຶນທີ່ຕົກລົງ, ແຜນການ, ໂຄງສ້າງ ແລະ ລາຍຊື່ແຫຼ່ງເງິນທຶນທີ່ຍື່ນສົ່ງບັດເຊີນເຂົ້າຮ່ວມ.
6. ກຽມບັນທຶກຄວາມເຂົ້າໃຈກ່ຽວກັບຂໍ້ມູນການກຸ້ຢືມ, ຮ່າງຈົດໝາຍເຊີນກຸ່ມເງິນທຶນ, ສົ່ງຈົດໝາຍເຊີນໃຫ້ກຸ່ມເງິນທຶນທີ່ກ່ຽວຂ້ອງ.
7. ທະນາຄານທີ່ເຂົ້າຮ່ວມຕົກລົງຈໍານວນເງິນ.
8. ຢືນຢັນກຸ່ມເງິນທຶນທີ່ເຂົ້າຮ່ວມ ແລະ ຈໍານວນເງິນກູ້ຢືມສຸດທ້າຍ.
9. ກວດສອບຂໍ້ຕົກລົງເງິນກູ້, ຂໍ້ຕົກລົງຮັບປະກັນຕ່າງໆວ່າກົງກັນ.
10. ເຊັນສັນຍາ.
11. ທະນາຄານຕົວແທນດຳເນີນງານ.

ເງິນກູ້ຮ່ວມເປັນການຮ່ວມກຸ່ມຂອງສະມາຊິກ ທີ່ປະກອບດ້ວຍທະນາຄານວາງແຜນ, ທະນາຄານນໍາພາ, ທະນາຄານຈັດການ, ທະນາຄານເຂົ້າຮ່ວມ, ທະນາຄານຕົວແທນ, ທະນາຄານປະສານງານເປັນຕົ້ນ; ສະມາຊິກທັງໝົດປະຕິບັດໜ້າຮັບສິດຜົນປະໂຫຍດ ແລະ ຮັບຄວາມສ່ຽງຕາມສັນຍາທີ່ຂຽນ ຫຼື ຕາມອັດຕາການປ່ອຍເງິນກູ້, ສະມາຊິກກຸ່ມເງິນກູ້ຮ່ວມແບ່ງເປັນ 3 ລະດັບ: 1. ທະນາຄານວາງແຜນ(ທະນາຄານນໍາພາ), 2. ທະນາຄານຈັດການ ແລະ 3. ທະນາຄານເຂົ້າຮ່ວມ.

1. ທະນາຄານວາງແຜນ ແມ່ນທະນາຄານໜຶ່ງ ຫຼື ກຸ່ມໜຶ່ງທີ່ໄດ້ຮັບການມອບໝາຍຈາກລູກຄ້າໃຫ້ຈັດຫາແຫຼ່ງທຶນ ແລະ ວາງແຜນການຈັດສັນເງິນກູ້, ຮຽກໂຮມກຸ່ມທະນາຄານໃຫ້ເງິນກູ້ຮ່ວມກັບທະນາຄານວາງແຜນ, ໂດຍທົ່ວໄປທະນາຄານວາງແຜນຈະເປັນຜູ້ລວບລວມເງິນຈາກກຸ່ມທຶນທັງໝົດ.
2. ທະນາຄານນໍາພາ ແມ່ນ ທະນາຄານທີ່ໃຫ້ຈໍານວນເງິນກູ້ຫຼາຍທີ່ສຸດ, ມີຕໍາແໜ່ງສູງສຸດໃນກຸ່ມສະມາຊິກຜູ້ຈັດການ, ໂດຍທົ່ວໄປທະນາຄານນໍາພາຈະເປັນທະນາຄານວາງແຜນນໍາດ້ວຍ.
3. ທະນາຄານຈັດການ ແມ່ນໜຶ່ງໃນທະນາຄານໃຫ້ກູ້ທີ່ປ່ອຍເງິນກູ້ຂ້ອນຂ້າງຫຼາຍກວ່າຜູ້ເຂົ້າຮ່ວມອື່ນ, ເຊິ່ງທະນາຄານນໍາພາເປັນຜູ້ມອບຕໍາແໜ່ງໃຫ້ ໂດຍອີງຕາມຄໍາສັນຍາປ່ອຍກູ້ກັບລະດັບທີ່ແຕກຕ່າງ, ເປັນທະນາຄານຈັດການຂອງກຸ່ມຈັດການເງິນທຶນຕ່າງໆ, ມີໜ້າທີ່ຮັບຜິດຊອບສໍາຄັນຄືຕັດສິນຫົວຂໍ້ເງິນກູ້ກັບຄວາມເປັນໄປໄດ້ໃນການລວມກຸ່ມ ແລະ ພິຈາລະນາເລື່ອງເອກະສານຮ່ວມກັບທະນາຄານນໍາພາ, ລວມທັງການດຳເນີນກ່ຽວກັບສັນຍາກູ້ຢືມຕ່າງໆ.
4. ທະນາຄານເຂົ້າຮ່ວມແມ່ນກຸ່ມທືນທີ່ໄດ້ຮັບເຊີນຈາກທະນາຄານວາງແຜນໃຫ້ເຂົ້າປ່ອຍກູ້ ແລະ ປ່ອຍເງິນກູ້ຕາມຈໍານວນທີ່ໄດ້ຕົກລົງໃນສັນຍາ, ສິ່ງທີ່ແຕກຕ່າງຈາກສະມາຊິກກຸ່ມຈັດການ ແມ່ນ ຈໍານວນເງິນທີ່ໃຫ້ກູ້ຂ້ອນຂ້າງໜ້ອຍ, ບໍ່ຕ້ອງຮັບຜິດຊອບຄ່າໃຊ້ຈ່າຍໃດໆ ຫຼື ໜ້າທີ່ອື່ນໆທີ່ເປັນຮູບປະທໍາໃນກຸ່ມ.
5. ທະນາຄານຕົວແທນ ແມ່ນທະນາຄານທີ່ໄດ້ຮັບເລືອກຈາກສະມາຊິກກຸ່ມທຶນ ແລະ ຜູ້ຂໍກູ້ຢືມຍອມຮັບໃຫ້ເປັນຕົວແທນໃນການຈັດການໃນຊ່ວງໄລຍະເວລາການກູ້ ຫຼັງຈາກເຊັນຍາຕົກລົງການກູ້ຢືມແລ້ວ, ທະນາຄານຕົວແທນຕ້ອງປະຕິບັດຕາມລາຍລະອຽດໃນສັນຍາເງິນກູ້, ເປັນຕົວແທນສະມາຊິກກຸ່ມທຶນດູແລຈັດການເງິນກູ້, ຮັບຜິດຊອບປ່ອຍເງິນກູ້, ຄືນດອກເບ້ຍ, ຈັດການດູແລຫຼັງຈາກປ່ອຍກູ້ເປັນຕົ້ນ; ຮັບຜິດຊອບສົ່ງຂ່າວສານລະຫວ່າງຜູ້ຂໍກູ້ເງິນ ກັບ ສະມາຊິກກຸ່ມເງິນທຶນ ແລະ ຈັດການເມື່ອເກີດການທໍາຜິດສັນຍາເປັນຕົ້ນ.
6. ທະນາຄານປະສານງານ ແມ່ນການເລືອກທະນາຄານໜຶ່ງຈາກທະນາຄານນໍາພາ ເພື່ອດູແລເງິນກູ້ທັງໝົດ ແລະ ຮັບຜິດຊອບພາລະໜ້າທີ່ບາງຢ່າງຈາກກູ່ມເງິນທຶນ.
7. ທະນາຄານປຶກສາ ແມ່ນທະນາຄານໜຶ່ງໃນທະນາຄານທີ່ຜູ້ຂໍກູ້ຢືມເລືອກຈາກກຸ່ມເງິນທຶນ, ເພື່ອໃຫ້ຮັບຜິດຊອບເປັນທີ່ປຶກສາວາງແຜນການຂໍກູ້ເງິນ, ຕາມເງື່ອນໄຂ ແລະ ລາຄາຂອງທະນາຄານຕ່າງໆ, ເພື່ອໃຫ້ໄດ້ຜົນປະໂຫຍດສູງສຸດ, ສະເໜີການບໍລິການ, ໃຫ້ຄໍາແນະນໍາເລື່ອງການເງິນຕໍ່ຜູ້ຂໍກູ້, ເພື່ອຮັບປະກັນວ່າ ການດຳເນີນການກູ້ເປັນໄປຢ່າງລາບລື້ນ.